Sa lahat ng oras magdiwang, magsaya
Palaging magpuri, malugod, tumawa
Alisin sa puso ang pagkabalisa
Maging mahinahon at laging panatag
Ano man ang ngayon ay nagpapahirap
Sa piling ng Diyos ating ipahayag
Ang kapayapaang sa Kanya nagbuhat
Sa lahat ng bagay ay magpasalamat
Kahit na mithiin ay hindi natanggap
Patuloy ang daing, panatag ang hangad
Maghari sa puso ang pag-asang ganap
Halina at tayo'y sumamba, magalak
Sa Diyos na ating sandigang matatag
Kapayapaan Nyang di lubos mahayag
Sumaatin nawa magpahanggang wakas
No comments:
Post a Comment